الثانوية الاعدادية مولاي ادريس الاول بوسكورة

من علمني حرفا صرت له عبدا
 
الرئيسيةالبوابةالتسجيلدخول

شاطر | 
 

 نكث قد تعجب المتصفحين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مدير المؤسسة
عضو(ة) شرف(ة)
عضو(ة) شرف(ة)


عدد المساهمات : 67
تاريخ التسجيل : 06/04/2010
الموقع : المكتب

مُساهمةموضوع: نكث قد تعجب المتصفحين   السبت 1 مايو 2010 - 11:26





واحد مكلخ كان كيصبغ الحيط ف دارهوم. قالو ليه: إيوا بعدا على الأقل دير جرنان تحت منك
قال ليهم المكلخ: لا بلاش، راني طويل






ف التران
واحد مكلخ قال لصاحبو: البارح ما نعستش مزيان ف التران
قال ليه صاحبو: وعلاش؟
قال ليه المكلخ: لحقاش كنت ناعس ف البلاصة الفوقانية
قال ليه صاحبو: وعلاش ما تبادلتيش مع مول البلاصة التحتانية؟
قال ليه المكلخ: حيت كانت خاوية وماكانش فيها حتى واحد باش نتبادل معاه
الما القاطع
واحد مكلخ دار إيدو ف الما القاطع و دابت ليه. هو يدخل راسو باش يقلب عليها
الراجل والحفرة
راجل معقول كان غادي وطاح ف حفرة
ناض منها وشاف قدامو وهي تبان ليه حفرة أخرى وقال: أوووف هنطيح عوتاني
المكلخين والكرافاتة
عشرة د المكلخين كيتعلموا الربطة ديال الكرافاتة. ستة ماتوا وربعة ف حالة حرجة
مصنع ديال التلج
واحد مكلخ حل مصنع ديال التلج وسماه: مصنع الما الناشف
مظاهرة د المكلخين
رباعة د المكلخين دارو مظاهرة ناضوا لبّسوا واحد فيهم الماسك ديال بوش وحرقوه
كون غير جبت التلفزة
واحد مكلخ موصلينو دارهم للمطار. الطريق كامل وهو كيقول: كون غير جبت التلفزة... كون غير جبت التلفزة
مللي وصلوا المطار، دارهم طلع ليهم الدم وقالوا ليه: فرعتي لينا راسنا، علاش زعما تجيب التلفزة؟
قال ليهم: حيت خليت الباسبور فوق منها
جا يوصلني
جوج مشاو للمحطة د التران ولقاوه بدا كيتحرك. واحد لحقو نقز فيه وركب، ولاخور ميت بالضحك ما ركبش. مللي سولوه مالك؟ قال ليهم: هاداك المكلخ راه غير جا يوصلني
غادي تسكتي أولا
مكلخ خطف مكلخة ودارها ف الطوموبيل. البنت بدات كتغوت
قال ليها المكلخ: غادي تسكتي أولا غادي تنزلي
قالت ليه: لا صافي هاني سكت
علاش ما كتجريش؟
هادو جوج غاديين ف الغابة وهو يخرج ليهم سبع. ناض اللول ضرب السبع بحجرة كبيرة وهرب كيجري. شوية وهو يتلفت وراه وبان ليه صاحبو كاع ما كيجريش. قال ليه: وا مالك أصاحبي ماكتجريش؟
جاوبو صاحبو: وعلاش نجري؟ مالي أنا اللي ضربتو
علاش كيسقط؟
هادا واحد مكلخ سول صاحبو قال ليه: علاش الورق ديال الشجر كيسقط ف الخريف؟
رد عليه صاحبو قال ليه: حيت ما قرا والو ف الصيف
حسب حتال 500
هادا واحد مكلخ ما كيجيهش النعاس. قال ليه واحد صاحبو: أنا عندي ليك واحد الطريقة واعرة غادي تعاونك تنعس، بقى تحسب حتال 500 وغادي يجيك النعاس. خينا مشى ف الليل و بدا كيحسب، غير وصل ل 199 و هو يجيه النعاس، وهو نيت ينوض وغسل وجهو و رجع للناموسية يكمل الحساب.
دهن بلاصة الطيحة
هادا واحد مكلخ طاح ف الدروج. خرج ليه الطبيب بومادة و قال ليه دهن بلاصة الطيحة. ناض المكلخ كيدهن ف الدروج
طوبيس بالعرض
هادو رباعة ديال المكلخين صنعوا طوبيس كيمشي بالعرض باش كلهم يركبو القدام
مكلخين ف الجامعة
هادو رباعة ديال المكلخين ف الجامعة كيكتبوا داكشي اللي كيكتبه الأستاد ف السبورة. منين كيمسح الأستاد السبورة، كيقطعوا هوما الورقة
واحد مكلخ
هادا واحد غادي يشري 10 دراهم ديال الحشيش، بانت ليه سطافيت و هو يلوح 10 دراهم
يا ربي نلقى عشرين درهم
هادا واحد مكلخ قال يا ربي ندير يدي ف جيبي و نلقى 20 درهم. منين دار يديه لقى جيبه متقوب. و هو نيت يرجع يقلب لا تكون طاحت ليه ال 20 درهم
مكلخ شد الدكتوراة
هادا واحد معروفة عليه مكلخ شد الدكتوراة. مشى عند مرته قال ليها: أنا ما عرفتش علاش كلشي كيقول عليا مكلخ، إيوا هاني شديت الدكتوراة.
قالت ليه مرتة: دق على الخشب.
الراجل دق على الطبلة. و هي تقول مرته: شكون؟
قال ليها: جلسي نتيا، أنا نمشي نطل شكون
تلفزة بالألوان
هادا واحد مكلخ مشى عند مول التلفزيونات و قال ليه: عندك تلفزيونات بالألوان؟
قال ليه لاخور: كاينين
و هو يقول ليه المكلخ: واخا عطيني واحد خضر
مكلخين ف الحبس
هادوا جوج مكلخين ف الحبس، تفقوا يهرسوا الباب و يضربوا العساس و يهربوا. مللي هرسوا الباب، ما بانش ليهم العساس و هوما نيت يجلسوا يتسناو فيه

الرجوع الى أعلى الصفحة اذهب الى الأسفل
MoUaD SaàDi
عضو خطير
عضو خطير


عدد المساهمات : 1653
تاريخ التسجيل : 22/04/2010
العمر : 21
الموقع : في المنزل !!

مُساهمةموضوع: رد: نكث قد تعجب المتصفحين   السبت 1 مايو 2010 - 17:30

هههههههههههههههههههههههههه
جميل
الرجوع الى أعلى الصفحة اذهب الى الأسفل
http://www.idriss1.tk
المدير
المدير العام


عدد المساهمات : 42
تاريخ التسجيل : 05/04/2010

مُساهمةموضوع: رد: نكث قد تعجب المتصفحين   الأحد 2 مايو 2010 - 16:16

BRAVOOOOOOOOOOOOOO ASSIDI
الرجوع الى أعلى الصفحة اذهب الى الأسفل
http://www.idriss1.c0.ma
zina
عضو(ة) شرف(ة)
عضو(ة) شرف(ة)


عدد المساهمات : 357
تاريخ التسجيل : 04/05/2010

مُساهمةموضوع: رد: نكث قد تعجب المتصفحين   الجمعة 28 مايو 2010 - 14:54

merciiiiiiiiiiiiiiiiiiii
الرجوع الى أعلى الصفحة اذهب الى الأسفل
Omar
عضو(ة) شرف(ة)
عضو(ة) شرف(ة)


عدد المساهمات : 311
تاريخ التسجيل : 27/04/2010
الموقع : في كل المناطق؟

مُساهمةموضوع: رد: نكث قد تعجب المتصفحين   الثلاثاء 29 يونيو 2010 - 13:41

hhhh ? merciiiiii ?
الرجوع الى أعلى الصفحة اذهب الى الأسفل
 
نكث قد تعجب المتصفحين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الثانوية الاعدادية مولاي ادريس الاول بوسكورة :: منتديات الترفيه :: النكت الجادة فقط-
انتقل الى: