السلام عليكم ورحمة الله وبركاته
كنا اتكلمنا عن تفاصيل الاسمارت فيزيا وميكانيكا والعملي من هنا
واتكلمنا عن تفاصيل عملي الكيمياء من هنا
وشرحنا ازاي تسطب البراامج على الاسطوانة وشرحنا تجارب الميكانيكا من هنا
والنهارده هانشرح شوية تجارب فيزياء وهانقولكم شوية مستجدات سمعتها النهارده..
نبتدي بالمستجدات..
الجديد..
امتحان الاسمارت فيزياء هايجيلكم غالبا تلات اسئلة تجارب هايبقى فيها تجربة اجباري على الدفعة كلها
وهي تجربة " un daamped vibration" وتجربتين هايختلفوا من واحد للتاني..
وده طبعا اسهل عليكم جدا لانكم كده مش هتزاكروا نظري اطلاقا قبل الامتحان ولا هتبصوا في حاجة من المنهج ..
ملحوظة هامة جدا..
الكلام ده سمعته من ناس في الدفعة معاكم والحقيقة مقدرش اؤكده او انفيه ..بس انا بقولهولكم عشان تحاولوا تتاكدوامنه وان شاء الله يكون هو اللي صح..
نبتدي بقى في شرح شوية تجارب الفيزيا
مبدايا قبل ما ادخل في التجارب ..الناس اللي عندها برنامج winamp تشيله
من الكنترول بانل..لان في وجوده التجارب بتشتغل عليه..انما بعد ماتشيله
وباعتبار انك مسطب كل برامج الاسطوانة فالتجارب بتشتغل على برنامج swiff player الموجود على الاسطوانة..وده هايوضح من الصور
خلينا نتفق على حاجة في الشرح
*اللي انا حاطط جنبه ارقام بالازرق او حاطه في دواير ده انت هاتغيره فالتجربة حسب معطياتك
*واللي حاطه في مستطيل برتقاني ده الناتج من التجربة اللي مطلوب منك تستنتجه*اول تجربة معانا هي تجربة"gravitional force
زي ماهو واضح من الصورة في 3 حاجات بتغيرهم اللي انا حاطط عليهم ارقام زرقا
(1) الكتلة الاولانية
(2) الكتلة التانية
(3) المسافة بين الكتلتين
وطبعا هتلاقي تحت كل واحدة سهمين زرق وسهمين خضر
السهمين الزرق : بتزود او تقلل بيهم الرقم اللي فوقهم اللي هو مثلا 2 عند الكتلة الاولانية و6 عند التانية..
دول بيخلوك تتحكم في الرقم ده تزوده او تقلله
السهمين الخضر : بيخلوك تتحكم في الارقام اللي فوق الاس 10 وهتلاقيها معمولة بالاخضر برضه..هتزودهم او تقللهم حسب مايطلب منك
ايه اللي انت بتعمله؟!
بتغير التلات ارقام دول من الاسهم زي ماقولنا فوق هتلاقي قيمة الforce اللي انا حاططها في المربع البرتقالي دي بتتغير ..وهي دي المطلوبة منك
يعني اللي انت بتستنتجه في التجربة دي هي القيمة اللي انا حاططها في مربع
طبعا التجربة سهلة وبسيطة
وهاندخل على تجربة تانية دلوقت
المصدر: ملتقى طلاب كلية الهندسة جامعة الزقازيق