خـل النيـاح وفــارق الـعـش يــا طـيـر
غـرد وهــز الـريـش فــي كــل عـالـي
الـيــوم هـــذا غــيــر وأيـامـنــا غــيــر
والبـارحـة مــا هــي ســـوات اللـيـالـي
الأرض صـارت فـي عيونـي نواويـر
والـبــدر تـــم وجـــا مـكــان الـهـلالـي
وابـهـا تـحـدت فــي بـهـاهـا الغـنـاديـر
فــلــت جـدايـلـهــا وقــامـــت تــلالـــي
وفـي وجـه خالـد للفـرح ألــف تعبـيـر
وحـجـاج فيـصـل فـيـه كــل ابتـهـالـي
مــن السـعـادة بـاقـي شـــوي ونـطـيـر
عــز الله ان الـلـي لـفـا الـــدار غـالــي
يــا مرحـبـا مـــا غـــرّدن العصـافـيـر
يــا مرحـبـا مــا زاف نـبـت السـهـالـي
ترحيـب احلـى مـن حليـب المصاغيـر
وضـح رعــت روض ربـيـع وخـالـي
باللـي شكـت رجلـه طـوال المشـاويـر
يـا طـى بهـا درب الخطـر مــا يبـالـي
قــرت عـيـون الـلـي يـحـبـون يـامـيـر
طـاريـك.. والاّ الحـيـن شفـتـك قبـالـي
يـا مـا حسبـت الوقـت حسـب الدنانيـر
اســامــر انــجـــوم الـثــريــا لـحــالــي
مبطي وانا اسمع فيك وصف البياطير
واليـوم جـالـي فــي القصـيـده مجـالـي
يــا سـيــدي مـــال الـقـوافـي مـعـاذيـر
عـــن الـبـيـوت الـوافـيــات الـجـزالــي
مــن لا جـعـل للـمـدح قيـمـه وتـقـديـر
ماظـنـتـي يـلـفـت ذهــــون الـرجـالــي
وانـت الـذي معـك السحـاب المزابـيـر
تـمـشـي ويتـبـعـك الـحـيــا والـخـيـالـي
وانـت الـذي باسمـك تـبـاح الاسـاريـر
ومثلـك لــه اسـمـاءٌ عــراض طـوالـي
سلطان يا سلطـان مـن يومـك صغيـر
مـا فـي بسلطانـك وشخـصـك جـدالـي
كـانــوا ولازالـــوا يسـمـونـك الـخـيــر
وياكـثـر الاسـمـا الـلـي تـزاحـم فبـالـي
كـريــم سـبــلا الا زبـــون المخـاسـيـر
طـلــق الـحـجـاج الا بـعـيــد الـمـدالــي
درع الــبــلاد الا طــويــل الاشـابــيــر
ابــــو الـيـتـيـم الا عـشـيــق الـمـعـالــي
لا والله ابــن مسـطـر المـجـد تسطـيـر
علـى حصـى الأرض ونفـود الرمالـي
واخــو فـهــد ذروة سـنــام المشـاهـيـر
صفـوة مـلـوك الارض بــاول وتـالـي
فـهــد ولا قـلـنـا فـهــد جـــاوب الـنـيـر
تـهـتـز لاســمــه راســيــات الـجـبـالـي
زعيمـنـا الـلـي للـعـلا واصــل السـيـر
حـتــى تعـلـيـنـا عــلــى كــــل عــالــي
ماللـطـمـوح بـوســط راســـه معـايـيـر
ولا لـلـعـوج عـنــده يـاكــود اعـتـدالـي
اليـا زعــل تـزعـل مـلـوك وجماهـيـر
ولـيـا رضــى ينـهـي جمـيـع الـجـدالـي
مايشـبـهـه غــيــر الـثـنـيـن المـنـاعـيـر
انـتـه. وأبــو متـعـب كـريــم السـبـالـي
عـبـدالله الـلـي فـيـه مــن سـالـم الـزيـر
خـطـل اليمـيـن اللـيـث حـــام الـتـوالـي
سـقـم الـعـدو الـيـا هــرج دون تفـكـيـر
رده عـلـى الـعـدوان جـاهــز وحـالــي
نـفـخـر بـكــم والا القـصـايـد تـعـابـيـر
يـا شيـوخ نـجـد الشـعـب كـلـه مـوالـي
والله لــو فيـكـم عــن المـلـك تقـصـيـر
مــا خصـكـم ربــي عـظـيـم الـجـلالـي
مــنّــا وفـيـنــا مــــا لـفـيـتـو مــداويــر
حكـامـنـا وقــــت الــدهــور الـهـزالــي
ورث الجـدود امـن الليـالـي المعاسـيـر
قبـل القصـور وقبـل صـرف الريالـي
هــاك الـزمـان سلاحـنـا حمـلـة بعـيـر
ومــــن يـومـنــا متـوثـقـيـن الـحـبـالــي
منهـاجـنـا واضـــح ولا فـيــه تـغـيـيـر
نـمـوت مــا نـرضــى عـلـيـه الـبـدالـي
مااستعمـرونـا الـلـي غـذاهـم خـنـازيـر
تشـهـد لـنـا شـهـب السـنـيـن الـخـوالـي
من قبـل عاشـر جـد أبـو بـوش وبليـر
مـا هـي ثــلاث شـهـور والا حـوالـي!
واليـوم فــي وقــت الـرخـا والتياسـيـر
شـفـنـا الـعـجـب! لا والله الا الـهـبـالـي
يـا كـثـر مــا قـامـت تـسـوق المقـاديـر
ويـا شيـب عينـي لاذكــرت وطـرالـي
المسجـد اللـي هــزه اصــوات تفجـيـر
فـــي حـــزة فـيـهـا يـجــاب الـسـوالـي
والمسلـم اللـي ذبــح مــن دون تبـريـر
ودم الرضيع اللـي علـى الوجـه سالـي
بنشـدك يـا مكـفـر هــل الـديـن تكفـيـر
وش حـكـم ذبــح المسلمـيـن العـزالـي؟
تــدبــر الــقـــرآن والــهـــدى تـدبــيــر
واخـذ الـجـواب بصيغـتـه والكمـالـي..
فـضـحـكـم الله يـالـوجـيــه الـمـغـابـيـر
يـــا طـغـمـة التـخـريـب والانـحـلالــي
والـلـي عـلـى الفتـنـه تــدق المـزامـيـر
نـعـرف مطامعـهـم عـلـى كــل حـالـي
ونعـرف مــن يـدفـع رســوم الفواتـيـر
يــا الحـيـه الـلـي جحـرهـا الاحـتـلالـي
لنـحـورهـم حـنــا ســـوات الازاريــــر
حـنـا حـمـاة الـديــن يـاهــل الـظـلالـي
الارض نزرعـهـا رمـــاح ومسـامـيـر
يــحــرم عـلـيـهـم وطـيـهــا بالـنـعـالـي
ديـارنــا مـاهـيــب كــابــل وكـشـمـيـر
يــا همـلالـي صـــدق يـــا هـمـلالـي!!
حامينـهـا الاجـــداد عـــج ومعـاصـيـر
بسيـوفـهـم عـلــى ظــهــور الـجـمـالـي
والـيـوم يــا سلـطـان شـفـهـم طـوابـيـر
ملّـوا مـن المـجـلاس تـحـت الظـلالـي
يــبــون يــــوم فــيــه لـلـحــق تـكـبـيـر
عـــن الـكــلام تـبــان فــيــه الـفـعـالـي
يـا سيـدي قـل وش تبـي بـس ويصيـر
حـدد هـدف لــو هــو عسـيـر المنـالـي
فـالـجــو نـفـاثــه وفـالـقــاع جـنــزيــر
وان متّ هـاك اليـوم مـن طيـب فالـي
هــــذا وطـنــنــا مـاسـكـنــاه تـهـجـيــر
الجـيـش واحــد مــا حمـلـنـا الحـمـالـي
لــو ينتـخـي عـرعـر تلـبـيـه خـرخـيـر
كـل الجنـوب يصـيـر جـنـب الشمـالـي
لا يــا وطــن لا تحـسـب إنّــا مـدابـيـر
لـو الدهـر فـي بعـض الاحـيـان مـالـي
طالبـك لا تجفـل مــن الـوقـت وتـذيـر
وكــــــلّ ابـــنــــاك وبالله الاتــكــالـــي
وان كـان مـا شفـت السعـد والتباشـيـر
عــيـــب عـلـيـنــا لـبـســنــا لـلـبــدالــي
نـذر علـي لحـرسـك وافـديـك واغـيـر
ديني. وعرضي فيك. وأغلى حلالـي.
والـلــي يـأثــر فـيــك بــأيّــات تـاثـيــر
ابــرى مـنـه لــو كــان عـمـي وخـالـي
وان مت واخذتنـي صـروف المقاديـر
والله لـوصــي فـيــك حــتــى عـيـالــي
الجمعة 30 أبريل 2010 - 13:47
